揸星小屋

今朝分头行动
 唔去铁力士雪山嘅团友留系琉森市区闲逛
 而我地就出发攀雪山噜~~!!!
铁力士系阿尔卑斯山嘅其中一个峰, 海拔3000几米
 要坐3次缆车先可以上到山顶, 其中一部缆车更加可以360度旋转,系全球首创嘎喔~
坐缆车嘅过程中,你会不停甘听到呤呤啷啷嘅声音
原来系下面嘅牛牛~~~
瑞士人发现,呢种啷啷声会刺激奶牛分泌更多更好嘅奶汁
所以就替牛牛都戴上啷啷
呢种啷啷亦成为瑞士一个小小嘅标志
讲翻上雪山,可惜我地可能太早上去啦~ 山顶雾气好重,根本睇唔到咩嘢
 只可以随便打下雪仗..... 感觉好似仲不如去云南玉龙....

同团友会合后前往洛桑
洛桑有全世界最好嘅旅游学校,听讲话未毕业就俾全部大酒店预定嘎拉~
当然我地今次无得去参观啦,皆因只系停留咗一阵咋
只可以抓紧时间影多D相留念

洛桑一教堂


洛桑-奥林匹克博物馆对外望开嘅景色

匆匆忙忙又要上车前往日内瓦

UN欧洲总部
上次讲过,瑞士系中立国,所以好多国际组织都纷纷系呢度设立总部
避免产生不必要嘅纷争
仲有国际红十字会等等啦~

瑞士嘅行程告一段落
但系呢个地方亦俾我留下深刻印象
真系好鬼靓@@@~~~
唔同于巴黎,伦敦,纽约呢D繁华热闹时尚嘅大城市
瑞士嘅城市系另一种风格,但系一样甘吸引人
宁静,舒适,悠闲,绝对系适合居住嘅地方!
 
to be continued...